Layihə çərçivəsində 35 ümumtəhsil məktəbinin 68 ibtidai sinfində qeyd edilən innovasiyalar tətbiq edilir.

1. İlk dəfə olaraq birinci siniflərdə ayaqüstü iş  masalarından istifadə edildi.  Siniflərdə ayaqüstü və oturacaqlı iş masaları olmaqla  şagirdlər  15 dəqiqədən bir  vaxtı idarə edən pultun siqnalı ilə yerlərini dəyişir, və bu zaman   tavanda  çəkilmiş göz trenajoru  və vestibulyar məşqçi sistemi ilə  bərpaedici məşqlər yerinə yetirir.  Fəaliyyətin  dəyişdirilməsi diqqəti davamlılığının artmasına, qan dövranının intensivləşməsi ilə beyin qan təchizatının yaxşılaşması  və bununla da zehni iş qabiliyyətinin yüksəlməsinə səbəb olur.
2. XX əsrin 70-ci illərindən başlayaraq məktəblərdən mailli səthli partalarını  düz səthli masalarla əvəz olunması, uşaqların görməsinə ciddi zərər gətirmişdir. Monitorinqlər göstərir ki, məktəbi bitirən 40 %-ə qədər uşaqda görmə problemləri mövcüddur.   Əsas səbəb kimi düz səthli masalar və səmərəsiz işıqlanma göstərilir. ST siniflərində masaların səthinin  16⁰ maillikdə və hündürlüyünün  şagirdin günəş kələfinə uyğunlaşdırılması  təmin olundu. Bu  göz ilə iş səthi  arasında məsafənin 30-35 sm olmasını təmin edir, görmə orqanına düşən yükü azaldır. Həmçinin  qamət problemlərinin yaranmasının qarşısını alır.
3. Sinifdəki bütün üç və iki divarın kəsişdiyi xətlər oval xarakter daşıyır. Divarlarda təbiət şəkilləri ilə  panorama effekti yaradılmışdır. Bu  isə şagirdləri gərginlikdən və streslərdən qoruyur.
4. “Bir gün bir nağıl” təlim modeli şagirdlərin əqli və psixoloji  baxımdan sağlam inkişafını təmin edir.